![\"\"](\"https://www.aravot.am/2010/aravot_arm/January/16/p8.jpg\")
ՀՀ Սփյուռքի նախարարության կայքում տեղադրված է «Հայի երգ» անվանված մի տեսահոլովակ: Երգի հեղինակները Հայաստանի երգի պետական թատրոնից են, կատարողները՝ նույնպես, հոլովակում երեւում են ոչ միայն հեղինակներն ու կատարողները, այլ նաեւ իշխանամերձ ռեժիսոր Հրաչ Քեշիշյանը, Սերժ Սարգսյանի կինը եւ դուստրը: Երգը գրավիչ է, հանդարտ երգի մի պահի հայկական աշխույժ պարեղանակ է հնչում: ՀՀ Սփյուռքի նախարարությունը մտադիր է այս երգը դարձնել Սփյուռքի օրհներգի նման մի բան: Առաջիկա օրերին նախարարությունը այս առթիվ մանրամասներ կներկայացնի: Իսկ մինչ այդ մենք ներկայացնենք երգի խոսքերի որոշ հատվածներ: Առաջինը, մեր օրերի համար նաեւ արտառոցը, որ գրավեց մեր ուշադրությունը՝ երգում Քեսապ քաղաքի հիշատակումն է: Ինչպես հայտնի է, քեսապցի է ՀՀ առաջին նախագահը: Եվ այսպես, հայերի հնարավոր օրհներգում կան այսպիսի տողեր.
«Ղարսեցի մեծ տատն իմ դժոխք է տեսել…»,
«վիշտ, ցավ, վիշտ, դավ է հայը տեսել,
բայց իր խաչը, բայց իր դրոշը բարձր պահել,
նոր դար է սկսվել,
բայց ոչ ոք ու ոչինչ երբեք չի մոռացել:
Հայրը իմ, պապը իմ հայ են ծնվել,
Թոռն ու ծոռը հայ մնացել,
հայ եկել ենք, հայ կգնանք
Եվ արյունը մեր մեջ հայկական երբեք ջուր չի դառնա»:
«Իրարից տարբեր ու իրար շատ նման
մինչ այսօր մենք փնտրում ենք հարմար հանգրվան»:
Երգը ավարտվում է «10 միլիոն հայ ենք մենք» նախադասությամբ:
