ՌԴ Պետդումայի փոխխոսնակ Վլադիմիր Ժիրինովսկին պահանջում է միջոցներ ձեռք առնել՝ «Արեւմուտքի երաժիշտ կատարողների ագրեսիվ գրոհները» կասեցնելու համար: Նրա համոզմամբ՝ ժամանակն է, որ ՌԴ-ն համապատասխան քվոտաներ սահմանի հեռուստառադիոհեռարձակման վրա՝ ոչ ռուսերեն երգերի «մասով»: Ռուսական ԶԼՄ-ների փոխանցմամբ, արդեն այդպիսի նախագիծ է ներկայացվել Պետդումա, ըստ որի՝ ՌԴ հեռուստատեսությամբ եւ ռադիոյով հնչող երգերի 60 տոկոսը պարտադիր պետք է ռուսալեզու լինի: Վ. Ժիրինովսկին փաստել է, որ օրական 250 տեսահոլովակ է պտտվում եթերում, որից միայն 20 տոկոսի երգերի տեքստերն են ռուսերեն:
