![\"\"](\"https://www.aravot.am/2010/aravot_arm/January/15/p12.jpg\")
Հորդանանում 78 ընդդիմադիր գործիչներ հանրագիր են ուղարկել կառավարությանը, որում պահանջել են «դադարեցնել Աֆղանստանում ԱՄՆ-ի եւ ՆԱՏՕ-ի հետ որեւէ համագործակցություն ու չմիջամտել այդ երկրի գործերին: Պատերազմը, որը վարում են ամերիկյան իմպերիալիստները՝ ոչ մի ընդհանրություն չունի Հորդանանի ժողովրդի իրական շահերի հետ»: Փաստաթղթում ասված է նաեւ, որ թագավորությունը պետք է «արմատապես վերանայի իր դիրքորոշումը», իսկ նրա հատուկ ծառայությունները պետք է «լիովին հրաժարվեն ամերիկյան եւ սիոնիստական հետախուզությունների հետ համագործակցությունից»: «ԼՁԸՀ-ՁԸհհ»-ի մատուցմամբ, ընդդիմադիրների խմբի դիմումի տակ ստորագրել են «մուսուլման եղբայրների» հորդանանյան մասնաճյուղի հոգեւոր առաջնորդ, շեյխ Խամամ Սաիդը (նկարում), նաեւ նախկին պատգամավորներ, հայտնի իրավապաշտպաններ Լեյս Շբեյլատն ու Թուջան Ֆեյսալը: Նրանք պահանջել են Աֆղանստանից դուրս բերել հորդանանցի զինվորականների ողջ անձնակազմը:
Հորդանանի վարչապետ Սամիր ար-Ռիֆային իր հերթին հանդես է եկել նախկին քաղաքականության պաշտպանությամբ եւ ընդգծել է, որ հորդանանյան իշխանությունները «ամենուր հետապնդում են ահաբեկչություն սերմանողներին, այդ թվում՝ սահմանից այն կողմ, եւ այդ կանխարգելիչ մարտավարությունը տալիս է իր պտուղները»:
