Լույս է տեսել Սոնա Ասատրյանի «Շախմատային ասույթներ» գրքույկը: Հեղինակը 10 տարեկան է, շախմատ խաղալ սովորել է 5 տարեկանում՝ հայրիկից: Գիրքը Ս. Ասատրյանը նվիրել է լեգենդար շախմատիստ Տիգրան Պետրոսյանի հիշատակին:
Աղջիկը ներկայումս պարապում է Շախմատի ակադեմիայում, մարզիչն է Յուրա Համբարձումյանը: Սոնան հաջողությամբ մասնակցել է բազմաթիվ մրցումների, բառացիորեն վերջերս էլ Թուրքիայում մինչեւ տասը տարեկան աղջիկների առաջնությունում գրավել է 28-րդ տեղը՝ 83 մասնակիցների մեջ, պարտության մատնելով Թուրքիայի երեք ներկայացուցիչներին:
