Այսօր ՀՀ կառավարության նիստում կքննարկվի ավագ դպրոցները ԿԳ նախարարության ենթակայությանը հանձնելու հարցը: Հիշեցնենք, որ, համաձայն «Հանրակրթության մասին» օրենքի 9-րդ հոդվածի 4-րդ մասի՝ ՀՀ կրթության եւ գիտության նախարարությունը ավագ դպրոցների լիազոր մարմին է։ Մինչ այժմ ինչպես ավագ, այնպես էլ մյուս դպրոցների լիազոր մարմին հանդիսանում են տարածքային կառավարման մարմինները՝ մարզպետարանները եւ Երեւանի դեպքում՝ քաղաքապետարանը: Թեեւ «Հանրակրթության մասին» ՀՀ օրենքն ընդունվել է 2009 թվականի հուլիսի 10-ին, սակայն ավագ դպրոցների «փոխանցումը» տարածքային կառավարման մարմիններից ԿԳՆ-ին խոչընդոտվում էր մարզպետարանների չկամության պատճառով:
