Խտրական մոտեցում ցուցարարների հանդեպ
![\"\"](\"https://www.aravot.am/2010/aravot_arm/January/13/p17.jpg\")
Երկու օր շարունակ ՀՅԴ-ի եւ այլ 14 կուսակցությունների բողոքի ցույցը ՍԴ առջեւ չէր խոչընդոտվում, եւ ոստիկանությունը Հայաստանի իրականությունը հաշվի առնելով՝ աննախադեպ հարգանքով էր վերաբերվում ցուցարարներին:
![\"\"](\"https://www.aravot.am/2010/aravot_arm/January/13/p18.jpg\")
«Ժառանգության» երիտասարդների եւ մի շարք
հ/կ-ների ներկայացուցիչների նախաձեռնությամբ իրականացվեց նաեւ հայ-թուրքական արձանագրությունների եւ մադրիդյան սկզբունքների խորհրդանշական այրում:
![\"\"](\"https://www.aravot.am/2010/aravot_arm/January/13/p19.jpg\")
Բայց բավական էր, որ երեկ ՍԴ առջեւ հայտնվեին մի քանի քաղաքացիներ՝ Զարուհի Փոստանջյանի գլխավորությամբ, ոստիկանները շրջափակեցին նրանց՝ պատճառաբանելով, թե մայթը փակել են: «Շրջափակել եք՝ դուք եք խանգարում անցորդներին,- հակադարձեց Զարուհի Փոստանջյանը:- Մայթի վրա կանգնելու որեւիցե օրինական արգելք չկա: Կա՞ որեւէ քաղաքացի, որը բողոքում է, թե խոչընդոտվել է իր քայլելը»:
![\"\"](\"https://www.aravot.am/2010/aravot_arm/January/13/p20.jpg\")
ՀՅԴ ղեկավարները որեւէ կերպ չմասնակցեցին բողոքի այս հարակից գործողություններին: ՀՅԴ ցուցարարները ակտիվացան միայն այնժամ, երբ ՍԴ դռների մոտ հայտնվեց ԱԳ նախարար Էդվարդ Նալբանդյանը, որին ուղեկցեցին սուլոցներով, «ամոթ» վանկարկումներով եւ «Նալբանդյան, հեռացիր» կոչերով:
![\"\"](\"https://www.aravot.am/2010/aravot_arm/January/13/p21.jpg\")
Վիճաբանությունից հետո այնուամենայնիվ Զարուհի Փոստանջյանն ընթերցեց ՍԴ անդամներին
ուղղված իրենց հայտարարությունը, որի տեքստին նախօրոք ծանոթանալու գաղտագողի փորձեր էր անում ՀՀ ոստիկանության Արաբկիրի բաժնի քրեական հետախուզության բաժնի պետ Վաչիկ Ներսիսյանը:
![\"\"](\"https://www.aravot.am/2010/aravot_arm/January/13/p22.jpg\")
ՍԴ առջեւ անմիջապես ստվարացան ոստիկանների շարքերը, հայտնվեցին նաեւ հատուկ ջոկատայիններ: Սակայն ՀՅԴ բյուրոյի անդամ Վահան Հովհաննիսյանը զսպեց կրքերը. ցուցարարներից մեկի հարցին, թե ի՞նչ է՝ սրանից հետո տո՞ւն են գնալու, նա կեսկատակ պատասխանեց. «Չէ՝ մնալու ես այստեղ: Դու այսօրվանից այստե՛ղ ես աշխատում՝ ՍԴ-ում»: Իսկ ավելի լուրջ՝ Վահան Հովհաննիսյանն ավելացրեց. «Ժողովուրդ, պայքարն առջեւում է: Հիմա էլ այստեղ կանգնելն իմաստ չունի: Այնպես որ՝ հիմա գնացեք տուն»:
