![\"\"](\"https://www.aravot.am/2010/aravot_arm/January/12/p16.jpg\")
Անցած կիրակի Խորվաթիայում տեղի են ունեցել նախագահական ընտրություններ: Պետական ընտրական հանձնաժողովի կողմից հրապարակած պաշտոնական տվյալներով, ընտրությունների արդյունքում այդ երկրի նախագահ է ընտրվել ընդդիմադիր գործիչ, Սոցիալ-դեմոկրատական կուսակցության առաջնորդ Իվո Իոսիպովիչը՝ ստանալով ընտրողների 60,29 տոկոսի քվեն: 52-ամյա Իոսիպովիչը, որը նաեւ իրավաբանական գիտությունների դոկտոր ու հայտնի կոմպոզիտոր է՝ դարձել է Խորվաթիայի երրորդ նախագահը:
Ընտրություններին մասնակցած մյուս անկախ թեկնածուն՝ Զագրեբի քաղաքապետ Միլան Բանդիչը ստացել է ընդամենը 39, 71 տոկոս ձայն: Ոչ կառավարական կազմակերպություններից մեկը՝ GONG-ը հայտարարել է, թե ընտրությունների ժամանակ օրինախախտումներ են արձանագրվել. մասնավորապես, քվեարկության օրը ընտրական տեղամասերից դուրս թեկնածուների օգտին քարոզչություն է ընթացել:
