ԳԱԶԻՑ ԹՈՒՆԱՎՈՐՎԵԼ ԷՐ
Հունվարի 7-ին բնական գազից թունավորումով Վանաձորի թիվ 1 հիվանդանոցային համալիր է տեղափոխվել նույն քաղաքի Մյասնիկյան 4/39 հասցեի բնակչուհի՝ 1991 թ. ծնված Ա. Աղաջանյանը:
ՄԵՔԵՆԱՆ՝ ՁՆԱԿՈՒՅՏՈՒՄ
Եղեգնաձոր-Մարտունի ավտոճանապարհին ավտոմեքենան խրվել է ձնակույտի մեջ: Ձնակույտի միջից ճանապարհի երթեւեկելի հատված է դուրս բերվել «Մոսկվիչ» մակնիշի 16 ԼՍ 184 պետհամարանիշի ավտոմեքենան:
ՇԻՆԱՆՅՈՒԹԻ ՊԱՀԵՍՏՈՒՄ
Հունվարի 8-ին հրդեհ է բռնկվել Երեւանի Ա. Բաբաջանյան 120 հասցեում՝ «Մարգարյան-Սուքիասյան» ՍՊԸ-ին պատկանող շինանյութի խանութի պահեստում: Իսկ Ծովակալ Իսակովի 23 հասցեում գտնվող՝ «ՆԻԳ» ՍՊԸ-ին պատկանող բենզալցակայանում այրվել է բենզալցակայանի «4 քմ մակերեսով բենզին»:
ԴԵՂՈՐԱՅՔԻՑ ԹՈՒՆԱՎՈՐՎԵԼ ԷԻՆ
Հունվարի 9-ին դեղորայքային թունավորումով Վանաձորի «Նարեկ» մանկական հիվանդանոց էին տեղափոխվել Լեռնապատ գյուղի բնակիչներ՝ 4-ամյա Նելլի եւ Մարիա Միկիչյանները: Բժիշկները երեխաների առողջական վիճակը գնահատել են միջին ծանրության:
ՀՐԴԵՀ՝ «ՀՐԱԶԴԱՆ ՋԷԿ»-ՈՒՄ
Կոտայքի մարզի «Հրազդան ՋԷԿ»-ի տարածքում այրվել էր տեխնիկական ջրերի հովացման հովհարների փայտե աշտարակը՝ 300 քմ մակերեսով:
