Երեկ եւս 3-ով ավելացել է «խոզի գրիպով» վարակվածների թիվը՝ ընդհանուր առմամբ դառնալով 107: Նոր մահացության դեպքեր չեն արձանագրվել: Այս մասին տեղեկացնում են առողջապահության նախարարության լրատվական բաժնից՝ հավելելով, որ հիմա հանրապետության բուժկանխարգելիչ հիմնարկներում բուժվում է «խոզի գրիպով» վարակված 11 հիվանդ, իսկ մնացած 94 հիվանդները առողջացած դուրս են գրվել: Հիշեցնենք, որ գրիպի վարակի արձանագրումից հետո մինչ այժմ մեր երկրում գրանցվել է մահվան երկու դեպք:
