Ադրբեջանն այս տարի ավարտին է հասցրել մի շարք զինատեսակների մշակման աշխատանքը եւ սկսել դրանց արտադրությունը։ Ինչպես հաղորդում է ԱՊԱ-ն, այդ մասին տեղեկացրել է Ադրբեջանի ռազմական արդյունաբերության նախարար Յավեր Ջամալովը։ Ըստ նրա՝ զենքի տեսականին ներառում է ինքնաձիգներ, «Զաֆար», «Զաֆար-Կ», «Ինամ» կարգի հրազեն, դիպուկահարի հրացան, ուսումնական ականներ, ռազմական տեխնիկա, որը թողարկվում է հարավաֆրիկյան Paramount Grope ընկերության հետ համատեղ։
Ինչպես նշել է Յավեր Ջամալովը, հաջորդ տարի Ադրբեջանը մտադիր է իր արտադրանքը ներկայացնել երեք միջազգային ռազմական ցուցահանդեսներում՝ Հորդանանում, ՀԱՀ-ում եւ Հունաստանում։
