ԵՊՀ-ին առընթեր ֆիզմաթ դպրոցի 11-րդ դասարանցի Հայկ Հակոբյանն ու «Քվանտ» վարժարանի սան Հայկ Տեփանյանը նոյեմբերի 8-16-ին Չինաստանի Հանչժոու քաղաքում անցկացված աստղաֆիզիկայի միջազգային 17-րդ աշակերտական օլիմպիադայում արժանացել են ոսկե մեդալների: Այս մասին հայտնել է Բյուրականի աստղադիտարանի աշխատակից, ուսուցչուհի Մարիետա Գյուրզադյանը՝ հավելելով, որ ոսկե մեդալներ են նվաճել նաեւ Ռուսաստանի, Չինաստանի եւ Հնդկաստանի մասնակիցները: «Նոյյան տապանի» փոխանցմամբ՝ Հ. Հակոբյանը պատմել է, որ խոշոր պետություններից ժամանած մասնակիցները պարապում են ոչ թե սովորական դասարաններում, այլ աստղադիտարաններում, եւ դա նրանց մեծ առավելություն է տալիս գիտելիքները զարգացնելու առումով:
