Երեկ ՀՀ փաստաբանների պալատում լրագրողների հետ հանդիպման ժամանակ պալատի փոխնախագահ Արա Զոհրաբյանը տեղեկացրեց, որ Պետեկամուտների կոմիտեն ստուգումներ է կատարել «Կարախանյան եւ ընկերներ» իրավաբանական գրասենյակում: Արդյունքում արգելանք է դրվել գրասենյակի հաշիվների վրա: Ըստ փաստաբան Ա. Զոհրաբյանի, հարկային մարմինները կարող էին արգելանք դնել միայն այն դեպքում, երբ դիմեին դատարան եւ 30 օրվա ընթացքում ստանային վճիռ: Ըստ փաստաբանների, Պետեկամուտների կոմիտեն չսպասելով ակտի բողոքարկմանը, ըստ էության սկսել է հետապնդումներ, ակնհայտորեն իր առջեւ խնդիր դնելով՝ սահմանափակել փաստաբանական գրասենյակի անկախությունը:
Երեկ Փաստաբանների պալատը հայտնեց իր մտադրությունը, այն է՝ այս հարցի կապակցությամբ դիմել է ՀՀ նախագահին:
