![\"\"](\"https://www.aravot.am/2009/aravot_arm/December/16/p15.jpg\")
Երեքշաբթի օրը՝ դեկտեմբերի 15-ին, մոտ երկու հարյուր փախստական Վրաստանից եւ Ռուսաստանից՝ հիմնականում Չեչնիայից եւ Ինգուշեթիայից, լեհական Լեգնիցա քաղաքի երկաթուղային կայարանում գնացք են զավթել: Այդ մասին տեղեկացրել է Radio Wroclaw-ը:
Գնացքը զավթածների մտադրությունը մեկն է՝ առանց ուղետոմսի հասնել Ստրասբուրգ եւ դիմել Մարդու իրավունքների եվրոպական դատարան՝ փախստականների համար նախատեսված լեհական կենտրոններում մարդկանց համար ստեղծված վատ պայմաններից բողոքով: Թե ով է այդ ակցիայի կազմակերպիչն ու փախստականների խմբի առաջնորդը՝ չի տեղեկացվում:
Wiadomosci-ն էլ ավելացնում է, որ փախստականների մեծ մասը փաստաթղթեր չունի, եւ այդ հանգամանքը զգալիորեն բարդացնում է գնացքի զավթիչների ինքնության պարզաբանումը: Ակցիայի մասնակիցներին սպառնում է կա՛մ արտաքսում, կա՛մ ազատազրկում մինչեւ երեք տարի ժամկետով:
