Շատերը գերադասում են օգտագործված արտասահմանյան մեքենա գնել Վրաստանում եւ դրանք Հայաստան ներկրել առանց մաքսազերծելու, վրացական համարանիշներով, մեքենան թողնելով գրանցված Վրաստանում: Այդ երեւույթը տարածված է հատկապես Վրաստանին սահմանակից շրջաններում: Մեքենա գնելու նպատակով Ռուսթավի քաղաք մեկնած նոյեմբերյանցիներին զարմացրել է, որ Վրաստանում վարորդական իրավունքի համար քննություն հանձնողները այդ քննության շրջանակներում պետք է նաեւ ձի քշեն:
Վրաստանում մի հետաքրքիր հնարավորություն էլ կա. ցանկացած ոք կարող է մեքենայի պետահամարանիշի փոխարեն իր անունը կամ ցանկացած այլ անուն գրել:
Պահանջվում է որոշակի գումար մուծել պետբյուջե եւ վայելել ինքնասիրությունը շոյող համարանիշը:
