«Ագոս» հանդեսի տարածած տեղեկատվության համաձայն, Սանտա Լյուսիա քաղաքում անցկացված ազգային առաջնությունում ծանրամարտի Ուրուգվայի չեմպիոնի կոչումը նվաճել է 23-ամյա հայազգի Աբո Փելեյանը: Մարզիկի քաշը հանդեսը չի նշում: Սակայն հատկապես տեղեկացնում է, որ նա բարձրացրել է (կրկին հայտնի չէ, թե որ վարժությունում) 150 կիլոգրամ: Ուրուգվայի առաջնության ավարտից հետո մարզիկը լրատվամիջոցներին ասել է, թե առաջիկայում լուրջ ծրագրեր ունի, սակայն դրանից առաջ ցանկանում է այցելել պատմական հայրենիք, շփվել, մասնավորապես, հայաստանցի ծանրորդների հետ, որոնց մեջ իր կուռքը օլիմպիական չեմպիոն Յուրի Վարդանյանն է:
