Երեկ Կոմիտասի անվան պետական կոնսերվատորիայի դահլիճում կայացավ հուշ-համերգ՝ նվիրված 20-րդ դարի համաշխարհային օպերային արվեստի նշանավոր դեմքերից մեկի՝ մեծանուն երգչուհի Գոհար Գասպարյանի ծննդյան 85-ամյակին: Եվս մեկ անգամ արժեւորվեց «Հայաստանի սոխակի» տեղն ու դերը մեր հոգեւոր մշակութային պատմության մեջ: Ավելի ուշ մասնակիցներն այցելեցին Կոմիտասի անվան այգու պանթեոն: Երջանիկ պատահականությամբ, դեկտեմբերի 14-ը նաեւ օպերային բեմադրիչ եւ երգիչ Տիգրան Լեւոնյանի ծննդյան օրն է, մի մարդու, ով դարձավ Գ. Գասպարյանի ընկերը՝ նրա հետ անցնելով հաջողությունների, իսկ կյանքի վերջին տարիներին՝ նույնիսկ հիասթափությունների ճամփաներով:
