Արդեն 2 օր է, ինչ դադարեցվել է Վրաստանի տարածքով ռուսական գազի մատակարարումը Հայաստան: Չնայած սրան, «ՀայՌուսգազարդը» հավաստիացնում է, որ հանրապետության սպառողների գազամատակարարումը կիրականացվի առանց սահմանափակումների՝ Աբովյանում գտնվող գազի ստորգետնյա պահեստարանի հաշվին:
Նշենք, որ գազամատակարարումը դադարեցվել է հյուսիսկովկասյան հատվածում առաջացած խնդիրների պատճառով: Մասնավորապես, առաջացել է «Հյուսիսային Կովկաս-Անդրկովկաս», «Մոզդոկ-Թբիլիսի», «Օկտյաբրսկայա-Օլգինսկայա» մայրուղային գազատարներից գազը դատարկելու եւ դրա հետ կապված խնդիրները լուծելու անհրաժեշտություն:
Երեկ տարածվեց նաեւ տեղեկատվություն այն մասին, որ Ռուսաստանը դադարեցրել է գազի մատակարարումը, քանի որ Հայաստան մտնող գազատարի վրա հայտնաբերվել են ռումբ ու նաեւ պայթուցիկ այլ սարքեր:
Ընթանում են պայթուցիչ սարքերի վնասազերծման աշխատանքներ:
