Երեկ Կենտրոն եւ Նորք-Մարաշ համայնքների ընդհանուր իրավասության դատարանի դատավոր Ժորա Վարդանյանը հրապարակեց Երեւանի տնտեսագիտական պետական համալսարանի պրոֆեսոր, «Բարգավաճ Հայաստան» կուսակցության անդամ Արմեն Ճուղուրյանի դատավճիռը: Նա 5000 դոլար կաշառք վերցնելու համար դատապարտվեց 3 տարվա ազատազրկման: Դատարանը հաշվի չառավ նախորդ դատական նիստի ժամանակ պրոֆեսորի խնդրանքը. նա խնդրել էր, որպեսզի մեղմ պատիժ կիրառվի իր նկատմամբ, քանի որ խնամքին ունի հաշմանդամ կին եւ անչափահաս երեխա:
