ՌԴ Պերմի երկրամասի կառավարությունը որոշում է ընդունել հրաժարական տալ «Կաղ ձի» ակումբում տեղի ունեցած աղետալի եւ երեկվա դրությամբ՝ 125 մարդու կյանք խլած հրդեհի պատճառով: Երկրամասի նահանգապետ Օլեգ Չիրկունովի որոշմամբ՝ կառավարության նոր կազմը կձեւավորվի հրդեհի պատճառներն ուսումնասիրող բոլոր հետաքննական գործողությունների ավարտից հետո: Կառավարության նախկին անդամները կշարունակեն իրենց աշխատանքը, բայց՝ որպես ժամանակավոր պաշտոնակատարներ: Հրդեհի արդյունքում ծանր այրվածքներ ստացած 108 վիրավոր դեռեւս հիվանդանոցներում է:
