Դեկտեմբերի 9-ը ճանաչվել է Միջազգային հակակոռուպցիոն օր: «Հայաստանի երիտասարդ իրավաբանների ասոցիացիա» հասարակական կազմակերպությունն այդ օրը, ժ.16-ին Երեւանի Կենտրոն վարչական շրջանում նախատեսում է անցկացնել խաղաղ երթ, որը նպատակ ունի հանրությանն իրազեկել իրենց խախտված իրավունքների պաշտպանության մեխանիզմների մասին: Խաղաղ երթի մասնակիցները, թվով 100 հոգի, հակակոռուպցիոն պաստառներով կշրջեն քաղաքով եւ հասարակությանը կոչ կանեն մասնակցել կոռուպցիայի դեմ պայքարին, ինչպես նաեւ անցորդներին կտարածեն մարդու իրավունքների պաշտպանության տարբեր ոլորտներին առնչվող տեղեկատվական թերթիկներ:
