2009-ի նոյեմբերին՝ հոկտեմբերի նկատմամբ, արձանագրվել է 1,2% գնաճ, որի պարագայում 12-ամսյա գնաճի ցուցանիշը կազմել է 4,6%՝ նախորդ ամսվա նույն ցուցանիշի նկատմամբ ավելանալով 1,1 տոկոսով: Այս մասին տեղեկանում ենք երեկ Կենտրոնական բանկի հրապարակած տեղեկատվությունից: ԿԲ խորհուրդը երեկվա նիստում արձանագրել է, որ գնաճային ճնշումները ընթացիկ ժամանակահատվածում ուժեղացել են՝ պայմանավորված հանքահումքային եւ հիմնական պարենային ապրանքների միջազգային գների աճի՝ սպասվածից ավելի արագ տեմպերով:
Միաժամանակ, ներքին տնտեսական ակտիվության եւ համախառն պահանջարկի աստիճանական վերականգնման պայմաններում ակնկալվում են լրացուցիչ գնաճային ճնշումներ:
Նիստում որոշվել է նաեւ անփոփոխ թողնել վերաֆինանսավորման տոկոսադրույքը՝ սահմանելով այն 5%:
