Մի քանի օր առաջ տեղեկատվություն տարածվեց, թե աշխարհի վեց ուժեղագույն միջին քաշայինների մրցաշարի երկրորդ փուլի՝ հունվարին Նյու Յորքում նշանակված Արթուր Աբրահամ-Անդրե Դիրրել մարտը Արթուրի հիվանդանալու պատճառով կարող է հետաձգվել, ինչն Աբրահամի թիմի ներկայացուցիչները ժխտում էին: Բայց պարզվում է, որ նախնական տեղեկատվությունը համապատասխանում էր իրականությանը: «Flint Journal» հանդեսի փոխանցմամբ, մարտն իրոք հետաձգվել է, քանի որ Աբրահամի մարզումային գործընթացը հիվանդության պատճառով ձախողվել է: Հանդեսը տեղեկացնում է, որ մենամարտը կկայանա 2010 թվականի մարտի 6-ին:
