ՏԱՍՆՅԱԿԻ ՄԵՐ ՏԱՐԲԵՐԱԿԸ

Մի քանի օրից կհրապարակվեն 2009 թվականի Հայաստանի 10 լավագույն մարզիկների եւ լավագույն թիմի անունները, որոնք ավանդաբար որոշվում են մարզական լրագրողների շրջանում անցկացվող հարցման արդյունքներով:

Այս պարտականության կատարումը միշտ էլ դժվար կացության մեջ է դրել լրագրողներին: Եթե 90-ականների սկզբներին մի կերպ էր համալրվում տասնյակը ու ստիպված գնահատվում էին նաեւ աշխարհի ու Եվրոպայի երիտասարդական առաջնություններում ձեռք բերված հաջողությունները, սկսած 1997/98 թվականներից, մեր մարզիկների ձեռքբերումներն ավելի ծանրակշիռ դարձան: Հիմա, հուրախություն բոլորիս, ստեղծվել է մի այնպիսի իրավիճակ, որ արդեն միայն Եվրոպայի մեծահասակների առաջնությունում նվաճված մեդալը բավարար չէ երանելի տասնյակում տեղ ունենալու համար:
Հայաստանի մարզական լրագրողների ֆեդերացիան կազմել է 23 մարզիկների ցուցակ, որոնք հավակնում են ընդգրկվել 10 լավագույնների մեջ: Եվ եթե հանրապետության 2009 թվականի թիվ 1 մարզիկը, անկասկած, ծանրորդ Նազիկ Ավդալյանն է, դժվար է գտնել անցնող մարզական տարվա մեր մյուս հերոսների արժանի տեղը տասնյակում: Այս տարի բավական շատ են աշխարհի, Եվրոպայի առաջնություններում, աշխարհի գավաթի խաղարկություններում, համաշխարհային ուսանողական խաղերում արծաթե եւ բրոնզե մեդալներ նվաճած մարզիկները: «Ավելի արդար» կողմնորոշվել դժվարացնում է նաեւ այն հանգամանքը, որ ցուցակում են նաեւ ոչ օլիմպիական մարզաձեւերի, օրինակ, սամբոյի՝ համաշխարհային ու եվրոպական մեդալներ նվաճած ներկայացուցիչներ: Եթե հավասար ցուցանիշների դեպքում նախապատվությունը տրվում է օլիմպիական մարզաձեւի ներկայացուցչին, մյուսները նեղանում են, մեղադրում կողմնակալության ու այլեւայլ բաների մեջ:
Ստորեւ ներկայացնում ենք 2009 թվականի լավագույն մարզական տասնյակի եւ լավագույն թիմի մեր տարբերակը: Նեղացողը թող նեղանա:

1. Նազիկ Ավդալյան:

Ծանրամարտ: Աշխարհի չեմպիոն: Եվրոպայի արծաթե մեդալակիր:

Բռնցքամարտ: Աշխարհի առաջնության արծաթե մեդալակիր:

4. Ռոման Ամոյան:

Հունահռոմեական ըմբշամարտ: Աշխարհի առաջնության արծաթե մեդալակիր:

5. Տիգրան Գեւորգի Մարտիրոսյան:

Ծանրամարտ: Աշխարհի առաջնության արծաթե մեդալակիր:

 6. Հռիփսիմե Խուրշուդյան:

Ծանրամարտ: Աշխարհի առաջնության բրոնզե մեդալակիր: Եվրոպայի առաջնության արծաթե մեդալակիր:

7. Հովհաննես Դավթյան:

Ձյուդո: Աշխարհի առաջնության բրոնզե մեդալակիր:

8. Արսեն Ջուլֆալակյան:

Հունահռոմեական ըմբշամարտ: Եվրոպայի չեմպիոն:

9. Յուրի Պատրիկեեւ:

Հունահռոմեական ըմբշամարտ: Եվրոպայի չեմպիոն:

10. Լիլիթ Մկրտչյան:

Շախմատ: Եվրոպայի անհատական առաջնության արծաթե մեդալակիր:

2. Առաքել Միրզոյան:

Ծանրամարտ: Աշխարհի առաջնության արծաթե մեդալակիր: Եվրոպայի չեմպիոն:

3. Անդրանիկ Հակոբյան: