Երբ արդարադատության նախարարության քրեակատարողական վարչության պետ Աշոտ Գիզիրյանը նոր էր նշանակվել, բազմաթիվ տեղեկություններ կային այն մասին, որ շուտով պարոն Գիզիրյանը սկսելու է կադրային մեծ ջարդ: Ա. Գիզիրյանին մոտ կանգնած աղբյուրները հայտնում են, որ ջարդը տեղի չունեցավ, քանի որ պարոն Գիզիրյանը որոշեց հույսը դնել նախկին աշխատակիցների վրա: Այժմ, երբ երկու ցմահ դատապարտվածներ միանգամից դիմեցին փախուստի, եւ դա նրանց հաջողվեց, այդ նույն աղբյուրները վկայում են, որ Գիզիրյանը փոշմանել է իր նախկին որոշման համար: Մեր տեղեկություններով, շատ մոտ ապագայում ներկայիս քրեակատարողական բարձրաստիճան պաշտոնյաների շրջանում կադրային փոփոխություններ են սպասվում: Նրանց փոխարինելու կգան ոստիկանության եւ այլ իրավապահ մարմինների իրավապահ աշխատակիցներ:
