Ուրբաթ օրը ԱՄՆ նախագահ Բարաք Օբաման վառել է Սպիտակ տան Սուրբ ծննդյան եղեւնու լույսերը: Այդ պատասխանատու գործում նրան օգնել են կինը՝ Միշել Օբաման եւ դուստրերը՝ Սաշան եւ Մալիյան: «ԼՁԸՀ-ՁԸհհ»-ի մատուցմամբ, արարողությունը շատ շքեղ է եղել, այն դիտելու համար Սպիտակ տան մոտ հավաքվել են մեծ թվով մարդիկ: Օբաման հանդես է եկել ողջույնի ճառով, որում շնորհավորել է Վաշինգտոնին՝ Ծննդյան տոների առիթով եւ ամերիկացիներին կոչ է արել մտածել եւ աղոթել նրանց համար, ովքեր այդ տոները դիմավորում են տնից հեռու՝ շեշտելով, որ խոսքը այն զինծառայողների մասին է, «ովքեր ամեն օր վտանգի են ենթարկում իրենց կյանքը, որպեսզի մենք ապրենք խաղաղ եւ հանգիստ»: Նա խոսել է նաեւ նրանց մասին, «ովքեր խնդիրներ ունեն երկրի ներսում եւ կորցրել են իրենց աշխատանքն ու տունը»: Իր ճառի ավարտից հետո Օբաման հաշվել է հինգից մինչեւ մեկն ու ընտանիքի անդամների հետ միասին սեղմել կոճակը: Ծննդյան տոնածառի լույսերը վառվել են: «Ստացվեց»,- հրճվանքով բղավել է ԱՄՆ նախագահը:
