«Մենք շատ լավատես էինք,- լրագրողներին ասաց մամուլի ծառայության աշխատակիցը,- էլի պիտի սպասեք, մինչեւ կհրապարակվի համատեղ հայտարարությունը»: Այդ ընթացքում հասցրինք լուսանկարել
![\"\"](\"https://www.aravot.am/2009/aravot_arm/December/5/p6.jpg\")
Սակայն մինչ մեր սեփական լուսանկարները ներկայացնելը՝ չենք կարող չհիշատակել, որ ԵԱՀԿ պաշտոնական լուսանկարիչները շատ ռոմանտիկ ու ստեղծագործական մոտեցում ունեն իրենց աշխատանքի նկատմամբ: Ահա թե ԵԱՀԿ կայքէջում ինչպես էր ներկայացվել, որ ընթանում են ԵԱՀԿ նախարարների խորհրդի 17-րդ նիստի նախապատրաստման աշխատանքները:
![\"\"](\"https://www.aravot.am/2009/aravot_arm/December/5/p5.jpg\")
Իսկ այս լուսանկարի մակագրությունն էր. «Լուսինը՝ շենքերի վրա Հունաստանի մայրաքաղաք Աթենքում, որը հյուրընկալել է ԵԱՀԿ նախարարների խորհրդի 17-րդ նիստին»:
![\"\"](\"https://www.aravot.am/2009/aravot_arm/December/5/p7.jpg\")
Այս ֆոնին առավել «օֆիցիոզ» են մեր նկարները: Ասենք, արձանագրեցինք, որ ԵԱՀԿ Մինսկի խմբի համանախագահողների հետ միասին՝ հանդիպումներին մասնակցում էր նաեւ ԵԱՀԿ նախագահի հատուկ ներկայացուցիչ, դեսպան Անջեյ Կասպրչիկը:
![\"\"](\"https://www.aravot.am/2009/aravot_arm/December/5/p4.jpg\")
Եվ վերջապես՝ այսպես է ներկայացվել պաշտոնական պատվիրակությունների այցը Ակրոպոլիսի թանգարան:
![\"\"](\"https://www.aravot.am/2009/aravot_arm/December/5/p2.jpg\")
Իսկ Ադրբեջանի ԱԳ նախարարն անընդհատ մի կողմ էր կանչում որեւէ պաշտոնյայի եւ բավական նյարդային ինչ-որ բաներ պարզաբանում:
![\"\"](\"https://www.aravot.am/2009/aravot_arm/December/5/p3.jpg\")
ԵԱՀԿ Մինսկի խմբի անդամ պետությունների ղեկավարների համատեղ հայտարարության հրապարակումը հետաձգվում էր թեեւ նաեւ այն պատճառով, որ Հայաստանի ԱԳ նախարարը մինչ այդ կլանված ընթերցում էր այդ փաստաթուղթը:
![\"\"](\"https://www.aravot.am/2009/aravot_arm/December/5/p8.jpg\")
Լրագրողներին ի վերջո դուրս հրավիրեցին: Եվս կես ժամ սպասումից հետո հրապարակվեց հայտարարությունը, որի ընթացքում կողմերի նյարդայնությունից այլեւս հետք չէր մնացել: Բոլորն իրար ժպտում էին, շնորհավորում:
