«Հայաստանի համար իրական ստուգատեսը կսկսվի Նոր տարուց հետո: Գլխավոր հարցն այն է, թե ի՞նչ գին է Հայաստանից պահանջվում սահմանը բացելու եւ դիվանագիտական հարաբերություններ հաստատելու համար: Եթե նույնիսկ Թուրքիան վավերացնի արձանագրությունները ու բացի սահմանը, պետք չէ գովաբանել Թուրքիային, քանի որ սա նորմալ երկրների մինիմալ պահանջներն են: Եթե Թուրքիան կորցնի այս հնարավորությունը, աշխարհի համար կդառնա անվստահելի: Տարածաշրջանում առաջին անգամն է, որ Միացյալ Նահանգները, Եվրամիությունը եւ Ռուսաստանը համաձայնության են եկել՝ պահանջելով բացել սահմանը»,- երեկ ասուլիսում հայտարարեց ՌԱՀՀԿ տնօրեն Ռիչարդ Կիրակոսյանը՝ հայ իշխանավորներին խորհուրդ տալով հույս չդնել եւ չվստահել արտաքին խոստումներին եւ լուծել ներքին խնդիրները:
