ՆԱԽԿԻՆ «ԾԱՌԱՅՈՒԹՅՈՒՆՆԵՐԻ» ՀԱՄԱՐ

Նկարում պատկերված մեքենաները չեն պատկանում Հայաստանի որեւէ բարձրաստիճան պաշտոնյայի կամ հայտնի օլիգարխի: Չնայած հստակ ասել, թե ով է մեր երկրում օլիգարխ, իսկ ով՝ ոչ, դժվար է:
Մի բան պարզ է. մեր երկրում որոշ նախկին պաշտոնյաներ կարող են իրենց շռայլություն թույլ տալ եւ անգամ պաշտոնանկությունից ամիսներ եւ, նույնիսկ, տարիներ հետո էլ շարունակել օգտվել պետական բարիքներից: Մասնավորապես, պետական շքեղ ավտոմեքենաներով շրջել Հայաստանով մեկ եւ պետության հաշվին հոգալ սեփական անձի անվտանգությունը: Թեպետ մեր ընթերցողների համար ասվածը ամենեւին էլ նորություն չէ, այնուհանդերձ թվում էր, թե գոնե ճգնաժամային ժամանակաշրջանում, եւ երբ իշխանությունները, իբր, խնայում են պետության ամեն մի լուման, համապատասխան մարմինները չպետք է այդ աստիճանի անտարբեր լինեն հասարակական կարծիքի նկատմամբ: Իսկ այս մեքենաների «տերը» ՀՀ մաքսային պետական ծառայության նախկին ղեկավար Արմեն Ավետիսյանն է, որը արդեն մեկուկես տարուց ավելի է՝ պաշտոնանկ է արված, որեւէ այլ պետական պաշտոն չի զբաղեցնում:
Կարդացեք նաեւ