Համաշխարհային տնտեսական ճգնաժամը բացասաբար է անդրադարձել նաեւ Հայաստանում կատարված օտարերկրյա ներդրումների ծավալի վրա: Ազգային վիճակագրական ծառայության հրապարակած տվյալների համաձայն, 2009-ի հունվար-սեպտեմբերին տնտեսության իրական հատվածում օտարերկրյա ներդրումների հոսքերի ծավալը կազմել է $522 մլն, որը 2008-ի նույն ժամանակաշրջանի համեմատությամբ նվազել է է 35,2%-ով:
2009-ի հունվար-սեպտեմբերին իրական հատվածում կատարված օտարերկրյա ներդրումների 45,51%-ը, իսկ ուղղակի ներդրումների՝ 53,46%-ն ուղղվել են կապի ոլորտ: Ուղղակի ներդրումների 16,12%-ն իրականացվել է էլեկտրաէներգիայի, գազի, տաք ջրի եւ գոլորշու արտադրության եւ բաշխման, իսկ 7,95%-ը՝ անշարժ գույքի հետ կապված գործառնությունների ոլորտներում:
