Երեկ «Նարեկացի» արվեստի միությունում կայացավ www.arartplatform.com կայքէջի շնորհանդեսը: Նախագիծը նեկայացնում է բոլորովին նոր էջ հայ կերպարվեստի տարածման գործում: Շնորհանդեսին ներկա էին նկարիչներ, արվեստի քննադատներ եւ մշակույթի ոլորտների այլ ներկայացուցիչներ: Հիշեցնենք, որ arartplatform-ը նախագիծ է, որ գուցե սովորական բան է աշխարհի շատ երկրների համար, բայց անսովոր երեւույթ՝ հայ իրականությունում: arartplatform-ի անձնակազմը հավաստիացնում է, որ այսուհետեւ արվեստագետների գործը արվեստին հոգեւոր, այլ ոչ թե նյութական կողմերից մոտենալն է, որովհետեւ իրենք իրենց վրա են վերցնելու նկարիչներին աշխարհում հայտնի դարձնելը, արվեստի գործերի վաճառքը ԱՄՆ-ում եւ Եվրոպայում:
