ՀՀԿ նախագահ Սերժ Սարգսյանը կուսակցության համագումարի ավարտին ասել էր, որ պետք է արդարանան նրանք, ովքեր ժամանակին մտադիր էին ծախել Ղարաբաղը: Երեկ «Նովոստի» մամուլի կենտրոնում մամուլի ասուլիսում ՀՀԿ խոսնակ Էդուարդ Շարմազանովն ասել է, որ նախագահը նկատի ուներ առաջին նախագահին, քանի որ նա 1992-ին «Կոմսոմոլսկայա Պրավդային» տված հարցազրույցում ասել էր, որ Ղարաբաղը պետք է ինքնավարություն ունենա Ադրբեջանի կազմում, եւ Լեւոն Տեր-Պետրոսյանն էր, որ 1998-ին չստանձնեց պատասխանատվությունը եւ հրաժարական տվեց:
