![\"\"](\"https://www.aravot.am/2009/aravot_arm/December/1/p1.jpg\")
«Ավստրիական ավիաուղիների» չվերթներում ուղեւորներին տրամադրվող ամսագրում զետեղված է այս ավիաընկերության հետեւյալ գովազդը. «Արեւելյան Եվրոպայի ճանապարհները վատ վիճակում են: Ավելի լավ է՝ թռեք»: Եվ որպես ասվածի հավաստում՝ պատկերված է հայկական մի ցուցանակ՝ Ջերմուկի եւ Սեւակ գյուղի ճամփաբաժանի վերաբերյալ: Իհարկե, մի կողմից հաճելի է, որ Հայաստանը համարվել է Արեւելյան Եվրոպա, բայց մյուս կողմից, մեղմ ասած՝ տխուր է, որ չնայած զբոսաշրջության համար նպաստավոր պայմաններ ստեղծելու վերաբերյալ (մանավանդ՝ ՀՀ նախորդ նախագահի) ելույթներին, մեր ճանապարհներն այն վիճակում են, որ օգտագործվում են իբրեւ տիպիկ օրինակ, թե ինչու է նախընտրելի օդում գտնվել, քան ցամաքում:
