Դեկտեմբերի 15-ին Բաքվում մեկնարկելու է բռնցքամարտի Աշխարհի 2009 թ. գավաթի խաղարկությունը, որին մասնակցում են տարվա ընթացքում առավել հաջող հանդես եկած բռնցքամարտիկները:
Հայաստանը այս ստուգատեսին չի մասնակցելու: Հայաստանի բռնցքամարտի ֆեդերացիայի մամուլի քարտուղարությունում հայտնեցին, որ Ադրբեջանը հրավեր չի ուղարկել, իսկ հրավիրելու դեպքում էլ Հայաստանը չէր պատրաստվում մեկնել Բաքու:
Հիշեցնենք, որ ձյուդոյում եւ ըմբշամարտում Հայաստանի եւ Ադրբեջանի ներկայացուցիչները միմյանց հարկի տակ հանդես գալու փորձ արդեն ունեն, իսկ ահա մյուս մարզաձեւերում սառույցը դեռ չի կոտրվում:
