Վերջերս կառավարությունը հավանություն է տվել մի օրենքի նախագծի, որը վերաբերում է «Հսկիչ-դրամարկղային մեքենաների կիրառման մասին» օրենքին: Ըստ այդ նախագծի, առաջարկվում է լրացումներ կատարել գործող օրենքում եւ 2010-ի հունվարի 1-ից պլաստիկ քարտերով գնումներ կատարելու դեպքում էլ սպառողներին տրամադրել ՀԴՄ կտրոն: Նախկինում գործող օրենքի համաձայն, ՀԴՄ կտրոնները տրամադրվում էին միայն կանխիկ դրամով գնումներ կատարելու ժամանակ, ինչի արդյունքում պլաստիկ քարտերով կատարվող գնումների ծավալն անկում էր ապրում: Նոր օրինագիծը նպատակ ունի այդ անկումը կանխարգելել եւ խրախուսել, որ մարդիկ առեւտուր անելիս՝ դրամը կանխիկացնելու փոխարեն, խանութներից օգտվեն նաեւ պլաստիկ քարտերով:
