ԺԱՄԱՆԱԿԱԿԻ՞Ց ԵՔ

Պատասխանելով առաջարկված հարցերին՝ կպարզեք, թե ինչպիսի՞ն են ձեր հայացքները։
1. Ի՞նչ եք երազել դառնալ.
ա) օդաչու (1),
բ) ինժեներ (2),
գ) ոսկերիչ (1)։
2. Ո՞ւր կմեկնեիք  հանգստանալու.
ա) արկածային Ամազոնիա (2),
բ) Կանարյան կղզիներ (0),
գ) կմնամ տանը (1)։
3. Ենթադրենք՝ վաղը կարող եք մեքենա գնել. ի՞նչ կնախընտրեիք.
ա) շքեղ «Մերսեդես» (2),
բ) հայրենական արտադրության որեւէ հարմար մեքենա (1),
գ) ոչ թանկարժեք արտասահմանյան մակնիշի օգտագործված մեքենա (0)։
4. Ամեն օր ստիպված եք երթեւեկել հասարակական տրանսպորտով։ Ճանապարհին դուք.
ա) գիրք եք կարդում (2),
բ) թերթում եք օրվա լրագրերը (1),
գ) պարզապես նայում եք պատուհանից դուրս (1)։
5. Հետաքրքրվո՞ւմ եք քաղաքականությամբ։ Ո՞ւմ օգտին կքվեարկեիք.
ա) ամենաուժեղ կուսակցության (0),
բ) այն կուսակցության, որը գործնական լուրջ առաջարկներ է անում (2),
գ) ընդդիմության օգտին (2)։
6. Դուք հանդիպել եք ձեր վաղեմի մտերիմ տղամարդուն (կնոջը), ում վաղուց չեք տեսել։ Նրան առաջարկում եք.
ա) սրճարան (0),
բ) հարմարավետ փոքր խորտկարան (2),
գ) ռեստորան (0)։
7. Ցանկություն է առաջացել ձեր մտերիմ տղամարդու (կնոջ) հետ եւս մի քանի ժամ անցկացնել։ Ո՞ւր կգնայիք.
ա) ցուցահանդես (2),
բ) կինոթատրոն (2),
գ) դիսկոտեկ (2)։
8. Ինչպիսի՞ն են ձեր հայացքները կյանքի նկատմամբ.
ա) հաստատուն (2),
բ) հարափոփոխ (0),
գ) ռադիկալ (0)։
9. Ինչի՞ մասին եք մտածում «սեր» բառը լսելիս.
ա) սիրած էակի (2),
բ) ակնթարթային սիրավեպի (0),
գ) ռոմանտիկ միջավայրի (1)։
10. Ռադիոյի ի՞նչ ալիք եք նախընտրում լսել.
ա) հանրային (0),
բ) միջազգային (2),
գ) ռադիո լսել չեք սիրում (1)։
11. Առավոտյան հաճա՞խ եք հոգնածություն զգում։ Ի՞նչ եք անում.
ա) տեսագրում եք ձեր քնկոտ կերպարանքը տեսաժապավենի վրա (0),
բ) շաբաթը գոնե մեկ անգամ թեթեւ զբոսանք եք կազմակերպում (1),
գ) ամեն օր նախավարժանք եք կատարում (2)։
12. Ի՞նչ եք նախընտրում պատրաստել ձեր ծննդյան օրը.
ա) արագ պատրաստվող հեշտ ուտեստ (1),
բ) աղցան (0),
գ) հիմնականում պատվիրում եք (2)։
13. Ի՞նչ եք սիրում ըմպել.
ա) հյութ (2),
բ) գինի կամ շամպայն (0),
գ) հանքային ջուր (1)։
Այսպիսով, եթե հավաքել եք 4-12 միավոր, ապա, ցավոք, դուք շատ պահպանողական եք։ Փորձեք ձեզ փոքր-ինչ վերափոխել, այլապես չեք կարող հարմարվել ժամանակի պահանջներին։
13-23 միավոր.- Դուք ճիշտ ուղու վրա եք. բավական ժամանակակից եք եւ զգում եք ժամանակի շունչը։ Սակայն, ավաղ, ոչ միշտ։
23 եւ ավելի միավոր.- Ապագայի մարդ եք. ինքնուրույն եւ վստահ՝ սեփական ուժերին։ Սակայն ինչպես հայտնի է՝ կատարելությունը սահմաններ չի ճանաչում… Այնպես որ՝ մի փոքր քննադատաբար վերաբերվեք ինքներդ ձեզ։