![\"\"](\"https://www.aravot.am/2009/aravot_arm/November/26/p19.jpg\")
Կալմիկիայի մայրաքաղաք Խանտի-Մանսիյսկում շարունակվում է շախմատի աշխարհի գավաթի խաղարկությունը, որի մեկնարկն անհաջող դասավորվեց Հայաստանի երկու ներկայացուցիչների՝ գրոսմայստերներ Գաբրիել Սարգսյանի եւ Տիգրան Պետրոսյանի համար: Նրանք երկուսն էլ առաջին տուրի ավարտից հետո հավաքեցին ճամպրուկները: Գաբրիելին պայքարից դուրս թողեց Չինաստանի ներկայացուցիչ Լի Չաոն, իսկ Տիգրանը զիջեց գերմանացի Գեորգ Մայերին:
Խանտի-Մանսիյսկում Սլովակիան ներկայացնում էր մեր հայրենակից Սերգեյ Մովսիսյանը, սակայն նա էլ հենց առաջին ռաունդում անհաջողության մատնվեց՝ ի վերջո պարտվելով Յու Յանգիին: Այնպես որ, աշխարհի գավաթի ասպարեզում մնացած 64 շախմատիստներից միայն ԱՄՆ-ի դրոշի ներքո հանդես եկող գրոսմայստեր Վարուժան Հակոբյանին է հաջողվել հաղթահարել ռուսաստանցի Պավել Տրեգուբովի արգելքը եւ անցնել երկրորդ 1/32 եզրափակիչ:
