Ֆուտբոլի Հայաստանի բազմակի չեմպիոն Երեւանի «Փյունիկը» հերթական անգամ հրաժարվել է մասնակցել ԱՊՀ եւ Բալթյան երկրների չեմպիոնների «Համագործակցության գավաթի» խաղարկության մրցաշարին, որի մեկնարկը տրվելու է եկող տարվա հունվարի կեսերին: Լրատվամիջոցները, վկայակոչելով ակումբի մամուլի ծառայության տարածած տեղեկատվությունը, նշում են, որ այդ որոշումը կայացվել է այն հիմնավորմամբ, որ մրցաշարին մասնակցելը կխանգարի հաջորդ մրցաշրջանին նախապատրաստվելու ծրագրին:
Լրատվամիջոցները տեղեկացնում են նաեւ, որ «Համագործակցության գավաթում» Հայաստանը կներկայացնի «Միկան», ինչի հավանականության մասին գրել էինք ավելի վաղ:
