Իսրայելի վարչապետ Բինիամին Նեթանյահուն 10 ամսով սառեցրել է Հորդանան գետի Արեւմտյան ափին հրեական բնակելիների շինարարությունը: «BBC»-ի մատուցմամբ, վարչապետն ասել է, թե դա Մերձավոր Արեւելքի հակամարտության խաղաղ կարգավորման գործընթացին նոր խթան հաղորդելու փորձ է: Վարչապետի գրասենյակը հրապարակել է վարչապետի հայտարարությունը, որում ասված է, թե չորեքշաբթի օրը Նեթանյահուի առաջարկը կքննարկվի Իսրայելի անվտանգության խորհրդում: Աղբյուրը միաժամանակ շեշտում է, որ հրեական բնակավայրերի շինարարության սառեցումը չի վերաբերելու Արեւելյան Երուսաղեմին, որը պաղեստինցիները համարում են իրենց ապագա մայրաքաղաքը:
