![\"\"](\"https://www.aravot.am/2009/aravot_arm/November/26/p16.jpg\")
Հնդկաստանի նախագահ, երկրի զինված ուժերի գերագույն հրամանատար՝ 74-ամյա Պրատիբհա Պատիլը ռուսական արտադրության կործանիչ ինքնաթիռով բարեհաջող թռիչք է իրականացրել: Վայրէջքից հետո նա բարյացակամորեն է արտահայտվել ռուսական տեխնիկայի մասին: «Ինտերֆաքսը» տեղեկացնում է, որ Ռուսաստանում նրա իրականացրած թռիչքը ընկալվել էր որպես ՌԴ-ի եւ ռուսական ռազմական տեխնիկայի հանդեպ բարձր վստահության արտահայտություն:
Հնդկաստանի կին նախագահը օդ է բարձրացել Պունի Լոհեգաոն ավիաբազայից եւ դարձել է առաջին, այն էլ կին, նախագահը, որը թռիչք է իրականացրել հնդկական ռազմաօդային ուժերին պատկանող ռազմական Cy-3ԾԽԼ կործանիչով:
Նախագահի թռիչքին նախորդել է լուրջ պատրաստություն անցելու գործընթացը: Թռիչքից առաջ Պրատիբհա Պատիլը նախաթռիչքային ցուցումներ է ստացել եւ ենթարկվել է պարտադիր բուժզննման: Թռիչքից հետո Հնդկաստանի նախագահը կործանիչի խցիկից դուրս գալով հայտարարել է, թե ռուսական ռազմական ինքնաթիռով կատարած թռիչքի ընթացքում նվազագույն անհարմարություն անգամ չի զգացել:
