ԱՆ մամուլի քարտուղար Լանա Մշեցյանի տեղեկացմամբ, ՀՀ մարդու իրավունքների պաշտպան Արմեն Հարությունյանի պաշտոնական գրությունը՝ Ս. Միքայելյանի առողջության վատթարացման վերաբերյալ, դեռեւս չի ստացվել ՀՀ արդարադատության նախարարությունում:
Այդ հարցը արդարադատության նախարար Գեւորգ Դանիելյանի հրահանգով քննարկվել է եւ, հաշվի առնելով մասնագետ բժիշկների եզրակացությունը, որ Ս. Միքայելյանի առողջությանը ոչ մի վտանգ չի սպառնում, ինչպես նաեւ քաղաքացիական հիվանդանոց տեղափոխելու որեւէ հիմք չկա, որոշվել է նրա բուժումը շարունակել ՀՀ ԱՆ «Դատապարտյալների հիվանդանոց» քրեակատարողական հիմնարկում:
