Անցած շաբաթ Կարմիր խաչի Բաքվի գրասենյակի աշխատակիցներն այցելել են վեց հայ ռազմագերու: «Արմինֆոն»՝ վկայակոչելով «Թուրան» գործակալությանը, ԿԽՄԿ մամուլի ծառայությունը տեղեկացնում է, որ հանդիպման ընթացքում ստուգվել են ռազմագերիների մնալու պայմանները, զրույց է տեղի ունեցել նրանցից յուրաքանչյուրի հետ: Աղբյուրի համաձայն, սա Կարմի խաչի ներկայացուցիչների կողմից արդեն չորրորդ այցելությունն է հայ ռազմագերիներին: Բոլոր դեպքերում հայ զինվորականները ինքնակամ են հատել ռազմաճակատի գիծը, հավաստում է ադրբեջանական կողմը:
