Նոյեմբերի 19-ին Խոսրովի արգելոցի տնօրեն Շաբոյանի սպանությունը ստվերեց այդ օրը տեղի ունեցած մեկ այլ ողբերգություն: Լենինգրադյան փողոցում գործող «Եվրոպա» ռեստորանի վերեւի հարկից ցած է ընկել 35-ամյա Ռուբեն Այվազյանը: Հարուցվել է քրեական գործ՝ սպանության հատկանիշներով: Կան խոսակցություններ, որ Ռ. Այվազյանին ցած են նետել: Մինչ այդ տեղի է ունեցել խնջույք: Նախնական, ոչ պաշտոնական տեղեկությունների համաձայն, խնջույքին մասնակցել է նաեւ Ռ. Այվազյանի կինը, որին հաբռգածներից մեկի կողմից անպարկեշտ արտահայտություն անելու համար էլ ծագել է վեճը:
