Ադրբեջանը Եվրամիությանը տեղեկացրել է, որ կարող է փոխել իր որոշումը եւ գազի մատակարարումը ուղղել ասիական շուկային՝ հրաժարվելով կասպյան տարածաշրջանում Բրյուսելի էներգետիկ գլխավոր դաշնակցի իր դերից: «Այնտեղ՝ Եվրոպա, հնարավոր չէ գազ հասցնել», -«Lenta.ru»-ի մատուցմամբ, հայտարարել է Ադրբեջանի նավթային պետական ընկերության փոխնախագահ Էլշադ Նասիրովը: Ավելի վաղ նա արդեն հայտարարել էր, որ Բաքուն կարող է դադարեցնել Եվրոպա մատակարարվող գազը եւ այն հասցնել Ասիա, եթե Եվրամիությունը Նաբուկո գազատարի շրջանակներում չորոշակիացնի Միջին Ասիայից դեպի Եվրոպա եւ Ռուսաստանի շրջանցմամբ մատակարարվելիք գազի գները:
Աղբյուրը արձանագրել է, որ Բաքվի այս կտրուկ հայտարարությունը հետեւել է Ադրբեջանի եւ Թուրքիայի միջեւ բանակցությունների տապալմանը:
