Երեկ՝ Լատվիայի անկախության օրը (91 տարի առաջ Լատվիայի Հանրապետությունը անկախություն էր հռչակել), կոտրվել է երկրի նախագահ Վալդիս Զատլերսի կայքէջը: «Lenta.ru»-ի մատուցմամբ, հակերները կայքէջում տեղադրել են ուղերձ, որում մասնավորապես ասված է եղել՝ «Շնորհավորում ենք 91-ամյակի կապակցությամբ: Պարոն նախագահ, փրկեք երկիրը: Մինչեւ 92-ամյակը կարող ենք չձգել»: Հակերներն իրենց այս ուղերձը տեղադրել են բջջային կապի Tele2 ընկերության անունից: Վերջինս արդեն հերքել է իր առնչությունը տեղի ունեցածին: Ավելի ուշ նախագահի կայքէջը սկսել է գործել բնականոն հունով: Աղբյուրը հիշեցնում է, որ անցյալ տարի հակերները բազմաթիվ անգամ հարձակում են գործել նաեւ Լատվիայի իրավապահ մարմինների պաշտոնական կայքէջի վրա:
