Երեկ հանրապետության գլխավոր վարակաբան Արա Ասոյանը «Առավոտին» հայտնեց, որ «Նորք» ինֆեկցիոն հիվանդանոցում հետազոտվում է եւս 6 քաղաքացի: Նրա կարծիքով, այս քաղաքացիների մոտ «խոզի գրիպի» կասկածները կհաստատվեն: Հիվանդների մի մասը ինֆեկցիոն հիվանդանոց է տեղափոխվել «Զվարթնոց» օդանավակայանից, մի քանիսին էլ պոլիկլինիկաների բուժաշխատակիցներ են ուղղորդել: Պարոն Ասոյանն ասաց, որ անհանգստանալու կարիք չկա, այս հիվանդությունը սովորական գրիպին շատ նման է եւ արտասովոր վտանգ չի ներկայացնում: Նրա խոսքերով. «Ես էլ էի սկզբում շատ անհանգստացած, սակայն հիմա համոզվեցի, որ այն այդքան էլ վտանգավոր չէ»: Հիշեցնենք, որ մինչեւ այժմ Հայաստանում հայտնաբերվել էին 15 A գրիպով հիվանդ քաղաքացի, որոնց մեծ մասն արդեն բուժվել է եւ դուրս գրվել ինֆեկցիոն հիվանդանոցից:
