Երեկ Մոսկվայի տանը կայացել է «Արաքսի ափին» հայ-թուրքական ֆիլմի շնորհանդեսը: Ֆիլմը ստեղծվել է Հայկական մարքեթինգի ասոցիացիայի եւ Հայ-թուրքական գործարար հարաբերությունների զարգացման կենտրոնի նախաձեռնությամբ: «Մեր հիմնական խնդիրն էր՝ ցույց տալ այսօրվա Հայաստանը ներկայիս Թուրքիային, եւ հակառակը»,- «Արմինֆոյի» թղթակցի հետ զրույցում նշել է ասոցիացիայի նախագահ Արամ Նավասարդյանը: Նրա խոսքով, ֆիլմում բարձրացվում են մի շարք հրատապ խնդիրներ՝ կապված ինչպես էկոլոգիայի, այնպես էլ հայ-թուրքական սահմանի բացման հետ: «Դա վավերագրական ֆիլմ է՝ խաղարկային կինոյի տարրերով»,- ասել է նա: Թուրքիայում «Արաքսի ափին» ֆիլմի պաշտոնական պրեմիերան տեղի կունենա դեկտեմբերի 10-12-ին:
