Եվրամիությունը երեկ երկարաձգել է 2006թ. նախագահական կեղծված ընտրություններից հետո Բելառուսի բարձրաստիճան պաշտոնյաների, այդ թվում՝ նախագահ Ալեքսանդր Լուկաշենկոյի նկատմամբ վիզային սահմանափակումների սառեցումը: Այդ մասին փոխանցում է «Utro.ru»-ն: Այդուհանդերձ, ԵՄ-ն որոշել է ամբողջությամբ չվերացնել դրանք՝ երկրում քաղաքական բարեփոխումների թեեւ անբավարար, բայց նշմարվող առաջընթացի պատճառով: Երեկ Բրյուսելում կայացած հանդիպման ժամանակ Եվրամիության արտգործնախարարների հաստատած հայտարարության համաձայն, սահմանափակումները սառեցված կմնան մինչեւ 2010թ. հոկտեմբեր ամիսը՝ Բելառուսում ժողովրդավարական բարեփոխումները խթանելու նպատակով:
