![\"\"](\"https://www.aravot.am/2009/aravot_arm/November/18/p15.jpg\")
Ռուսաստանը նախկինի նման համարվում է աշխարհի ամենակոռումպացված պետություններից մեկն ու «Transparency International»-ի միջազգային կազմակերպության կոռուպցիայի համաշխարհային դասակարգման ցանկում, 180 պետությունների թվում, զբաղեցնում է 146-րդ տեղը: Այդ ցանկի 145-րդ տեղում Քենիան է, 147-րդը՝ Սիերա-Լեոնեն: Նախորդ տարվա համեմատությամբ, այս տարի Ռուսաստանի ցուցանիշում գրանցված աննշան առաջխաղացումը՝ 0,1 բալ, պայմանավորված է վերջերս ՌԴ-ում հակակոռուպցիոն նորմատիվ-իրավական ակտերի փաթեթի ընդունման փաստով: Կազմակերպության տվյալներով, կոռուպցիայի ամենացածր մակարդակը Նոր Զելանդիայում է, Դանիայում եւ Սինգապուրում: Ամենավատ վիճակը Մյանմայում, Աֆղանստանում եւ Սոմալիում է: «Արեւելյան եւ Հարավային Եվրոպա ու Կենտրոնական Ասիա» տարածաշրջանում, ուսումնասիրությունների տվյալներով, Ռուսաստանը 20 երկրների ցանկում զբաղեցնում է 15-րդ տեղը եւ գտնվում է Ադրբեջանի եւ Ուկրաինայի միջեւ: Տարածաշրջանային ցանկը գլխավորում են Թուրքիան, Խորվաթիան եւ Վրաստանը: Հայաստանն այս ցանկում 3-4 տեղերում է: Վերջին տեղերում են Ղրղըզստանը, Ուզբեկստանն ու Թուրքմենստանը:
«Reuters»-ի մատուցմամբ, ՌԴ իշխանություններն ընդունում են, որ կոռուպցիան այդ երկրի հիմնական խնդիրներից մեկն է:
