Գնահատման եւ թեստավորման կենտրոնը նոյեմբերի 18-20-ը կազմակերպում է խորհրդաժողով՝ «Պետական ավարտական քննությունների կազմակերպման եւ աշակերտների առաջադիմության ընթացիկ արտաքին գնահատման հիմնախնդիրները» խորագրով: ԳԹԿ մամուլի խոսնակ Գայանե Մանուկյանը տեղեկացրեց, որ «խորհրդաժողովի նպատակն է ճշգրտել պետական ավարտական քննությունների կազմակերպման եւ աշակերտների առաջադիմության ընթացիկ արտաքին գնահատման հիմնահարցերի բացահայտման եւ լուծման սկզբունքներն ու մոտեցումները: Համաժողովի կազմակերպումը պայմանավորված է հիմնախնդիրները քննարկելու եւ հանրակրթության նոր գնահատման համակարգի կայացման ուղիների մշակման անհրաժեշտությամբ»: «Առավոտը» առաջիկայում կանդրադառնա այս թեմաներին:
