Մեթյու Մայնյարդը հետախուզման մեջ է Ուելսի Սոունսի քաղաքի տներից մեկի կողոպուտի կասկածանքով: Մեթյուն չի հավանել քաղաքում ամենուրեք ոստիկանների կողմից փակցված իր լուսանկարները: Նա տեղի թերթի խմբագրությանն ուղարկել է իր «ճիշտ» լուսանկարը եւ մի երկտող, որտեղ խնդրում է անհապաղ փոխել իր «սխալ» լուսանկարը: Թերթն առաջին էջում տպագրել է Մեթյուի՝ ոստիկանության մեքենայի ֆոնին հպարտ կանգնած լուսանկարը եւ երկտողը: Ոստիկանությունը շնորհակալություն է հայտնել հետախուզման մեջ գտնվողին՝ հետաքննությանն աջակցության համար:
